Accidentes inoportunos actuais

Por causa dunha caída, levo tres semanas na cama e sentado, sen poder estar de pé, debido a unha escordadura por torcedura no nocello da perna que teño mellor. (Padezo secuelas de polio e outros traumatismos invalidantes).

Por este motivo "Romayo" esta pasando e sufrindo uns "Nadais moi fogareñas"
Pero, non son eu só (¡¡ o que non se consola, é porque non quere !!), porque:

A Berlusconi andáronlle coa cara
O primeiro ministro de Italia, Silvio Berlusconi, resultou ferido en Milán tras ser agredido ao termo dun tenso mitin celebrado na praza do Duomo, e foi ingresado nun hospital da cidade italiana sangrando pola boca.
Inmediatamente logo da agresión, o mandatario foi trasladado no seu coche oficial ao hospital San
Raffaele da capital lombarda, onde se lle realizou un TAC e os médicos decidiron manterlle durante 24 horas baixo observación, tras o que se previu un tempo de recuperación de 20 días.
Berlusconi estivo consciente en todo momento e ao saír de urxencias cunha bolsa de xeo na boca para ser trasladado a unha habitación do centro médico dixo atoparse ben.
Despois de pasar uns dias no hospital xa regresou á súa casa.

Berlusconi acudirá dentro duns días á clínica helvética de Gravesano «Ars Medica» para «cancelar da súa cara as feridas da agresión».

Nesta clínica xa lle andaron outra veces coa cara, Berlusconi someteuse en 2003 a algunhas operacións de cirurxía estética.

E ao xornalista Germán Terstch déronlle unha patada no cu
«Propináronme unha forte patada por detrás e levantáronme tres cuartas por encima do chan e logo caín de bruzos. Estou convencido de que se trataba de profesionais». Así de contundente móstrase Hermann Tertsch ao describir a agresión de que foi obxecto o pasado luns cando se atopaba nunha zona de lecer da capital. O xornalista recupérase das súas lesións, varias costelas rotas e contusións de diversa consideración, nun hospital de Madrid, segundo publicou ABC.

Tras as primeiras pescudas policiais, e segundo os testemuños solicitados no local nocturno e noutros lugares da zona todo apunta, como moito, a unha vulgar pelexa de bar, o Toni 2, situado na rúa Almirante e onde o xornalista chegou pasadas as tres e media da madrugada, segundo algúns presentes.

Os feitos producíronse máis tarde, pasadas as seis da madrugada do luns. A maioría das
testemuñas consultadas pola Sexta e interrogados pola policía din non ver nada e tan só algún presente afirma que Hermann Terstsch si mantivo unha discusión neste local.

Segundo este testemuño, Terstsch discutiría cun home ao que acompañaban dúas mulleres. Asegura esta testemuña, ademais, que se trataría dun empresario de locais nocturnos coñecido na zona. Ninguén fala de patada pero no forcejeo entre ambos o xornalista da televisión autonómica madrileña caeuse ao chan e golpeado cun taburete. É esa caída a que se apunta como posible causa da fractura das dúas costelas.

Varios presentes no local chegan a asegurar que o xornalista de Telemadrid non se atopaba en bo estado.
Un empregado do local nocturno acompañoulle ao presentador á súa casa. Máis tarde acudiu á Clínica a Milagrosa onde inicialmente foi tratado.
Fontes dese centro sanitario sinalan que alí tamén tivo algunha diferenza co persoal do centro. A pesar das afirmacións do presentador que asegura que está convencido de que a agresión foi unha patada por detrás e obra de profesionais, a liña de investigación non comparte esa hipótese e decántase contundentemente pola típica rifa de bar a altísimas horas da madrugada.

A investigación policial segue aberta e continuará nos próximos días.
Outra opinión do "foro: elatleta.com", di:

"Non con putas non, Hermann Terstch estaba cunha cogorza de pai e moi señor meu, tanto que polo visto se caeu (segun as testemuñas que falaron coa policía) e montou esta andrómena. Non se acorda de nada.
É que o Ballantines non deixa rastro da memoria".